【DR-Max教材大王】林溢欣傾囊相授　斥千萬伙DR-Max推中文教材

年僅三十出頭的中文補習名師林溢欣，從事教育已有十載，去年年尾宣佈創立自己的教育事業，更在疫情期間斥資千萬，聯同教材出版商DR-Max編製兒童中文教材，他期望參考DR-Max教材出版經驗，為本地小朋友打造一套質素與趣味兼備的中文學習教材。

「比起好多人，我嘅童年距離一個『慘』字都仲有一段距離；屋企300呎，住5個人，係迫啲，但親密冇壞嘅。」說起自己的成長環境，這位在全香港擁有最多學生的補習名師仍然笑容滿面，面上看不見絲毫委屈。林溢欣出來補習的第一年，口號是「不亢不卑，當仁不讓」——待人對己都要有恰當的分寸，多成功也不應傲慢自大，多寒微也不需妄自菲薄。

施教十載　林溢欣決定自立門戶

「我今日見到好多小朋友比我細個幸福好多，但呢種幸福其實係拖慢緊一個人嘅成長。試諗吓，當一個人失敗嘅時候，原來父母後面仲有100條後路畀佢揀，咁佢哋點會成長？當你有選擇多多嘅福份，就唔會有背水一戰嘅勇氣。」

人生有三分一時間都貢獻了給教育的林溢欣，去年宣佈自立門戶後，很多人以為他是要成立自己的賺錢王國，但實情是賺到的錢比以前少，要兼顧的事情卻比以前多，所承受的風險亦比以前大，每個範疇的難度都升了級，但林老師依然堅持自己的辦學理念，成立凝皓教育，這是因為10年來的教學經驗令他在這領域有了另一番體會，「我希望有足夠空間去做我認為有意思嘅事。」

從「小」出發　藉DR-Max教材攻兒童市場

疫情令各行各業頓失方寸，學校復課無期，補習社自然不能幸免，網上授課是唯一選擇。遵理學校順應潮流，推行「元宇宙教學」，林老師的凝皓教育，又會否效法舊當家的做法？

「網上授課一定會繼續做，呢個係現時最直接幫到學生嘅渠道，但係咪要去到元宇宙咁宏大呢？連Facebook（現已改名Meta）呢間市值幾萬億（港元）嘅公司，都因為建構元宇宙暫時輸咗成千億，我唔覺得我哋scale細咁多嘅公司可以喺現階段駕馭到呢個概念。」對林溢欣而言，元宇宙「大」得不知從何入手，所以他反而想從「小」出發——「我想趁呢個時候，推出一套兒童中文教材。」

去年已經有補習學校積極研究兒童中文教材市場，但當同業還在探討的時候，林溢欣已經率先斥資過千萬，伙拍在出版界擁有20年經驗的本地兒童教材出版商DR-Max製作了一套兒童中文教材，取名「凝皓六段」。

兒童教材出版商DR-Max致力為本港0至15歲兒童提供多元化語言教材，品牌已進駐兒童市場多年，現時DR-Max教材涵蓋全方位語言學習系統及套裝書等。有見於DR-Max教材在兒童市場佔一席位，林溢欣期望藉此優勢將《凝皓六段》打造成市場上難得一見、具「題解功能」的兒童中文教材。

「站在前線教咗10年，深深明白到好多時學生跟唔上，唔係本身資質問題，而係佢哋由小學開始個底根本打得唔好，去到初中更加吃力，DSE（文憑試）戰況慘烈係必然嘅事。」

《凝皓六段》的「段」是「段數」的意思，教材共分6個級別：凝思、凝練、凝意、凝妙、凝集、凝湛，由「入門級」到「專業級」，訓練學生由淺入深理解中華歷史文化演變而成的詞彙和成語，從而提升他們的閱讀及寫作能力。「呢套教材其實係由我團隊其中一名成員主導，我諗全香港小學老師嘅資歷裏面，要搵到人同佢比，係一件好困難嘅事。」

經DR-Max教材出版　林溢欣團隊親自解題

林溢欣口中的其中一名成員是吳芷盈，她曾經寫過一本名為《從女拔到哈佛》的散文集。中學就讀拔萃女書院的她，於香港大學法律系畢業後，獲哈佛大學教育學院取錄，於是遠赴波士頓攻讀碩士。「教小朋友需要嘅，係另一種細心、另一種技能。中學課程固然係複雜啲，但要令一個小學生真正學識中文，即係令佢哋明白兼入腦，完全係唔同嘅學問。」

除了吳芷盈，林溢欣也找來了團隊的謝廷樞和劉愷欣為《凝皓六段》編寫和錄製題解。「佢兩位係我團隊裏面最受歡迎嘅兩位導師，大學都係中文大學嘅中國語言及文學系畢業。有人同我講，叫佢兩位上多幾堂正規課程，賺多啲錢仲好，教小學生咪即係大材小用。我覺得唔係凡事都要用金錢嚟衡量，況且呢啲唔係叫大材小用，而係傾囊相授。」

斥資千萬開拓一個從未涉獵的市場，之前有沒有計算過風險？林溢欣依舊是一雙從容但誠懇的目光：「每件事要做得好，就算唔能夠奮不顧身，起碼都要做到義無反顧；結果係重要，但最緊要對得住自己；對住學生，我同我團隊永遠都係抱住呢個態度。」

兒童中文教材《凝皓六段》

林溢欣團隊汲取了DR-Max教材出版的經驗，將《凝皓六段》分為 6 個級別，讓孩子逐步吸收語文精要。教材萃取了中國歷史文化知識精華，揉合中文考試重點內容，配合DR-Max點讀筆收聽林老師及團隊的講解，引導學生由淺入深領悟中國語言文化精粹，從小學甚至幼兒階段打好中文根基，培養對中國語文的興趣。

產品詳情請參閱以下網址： 按此